Les jardinsDins min gardin
par cartouche le, 22/09/2009DINS MIN GARDIN (copyright france)
l’matin quand ch’solèle y s’lèfe pas d’zeur ch’terril
qu’ ses rayons y récauf’tent et éclair’tent min courtil
mi tout in binant l’tierre dins mes routes ed’porions
j’sus bénache, j’chiffèle toudis eune tchiote canchon
eune rangaine joyeusse ed’ Raoul ou bin d’Edmond
quand j’sus dins min gardin, là j’pinse pus à ch’ carbon
ch’est un peu comme si j’avos canger ed’métier
que du bon air, y a pas ed’poufinque à respirer
j’vas ramasser des naviots et des jones carottes
un pied ed’céléri des porions eune tchiote botte
comme cha c’soir m’femme fera eune bonne soupe
avec un reste ed’lard cha coutera pas eune doupe
après j’irai nourrir mes glaines et mes lapins
à ch’poulailler si y a des oués cha sera bin
je m’dis qu’in a d’la chance ed’juer au sincier
quand l’diminche quand a pas à aller ouvrer
mais cha passe vite ed’main cha s’ra aute cosse
faudra arprinde s’musette artourner à l’fosse
mais y faut pas s’plainte y faut s’faire eune raison
pasque ch’ti qui nous loge, nous nourrit ch’est l’carbon
Bierlair René dit Cartouche
