Les jardinsl'hiver 1962
par Potié Vital le, 17/08/2009hiver terripe !!!
j'travaillos pour une pétite entreprise du batiment qui elle même travaillot beaucoup pour les houillères
ch'camion et l'camionnette i ménotent ch'carbon à chés gins ch'thiver là
in allot à Noeux, in passot à l'bascule, j'étos muché dins l'camionnette au fond avec eune roue d'camion, l'camionnette al étot bachée eune 403
après j'déchindos et j'arpassos par eune pétite porte avec l'reule
l'patron i carcot des sacs d'boulets c'qui fait qui volot au moins deux sacs à chaque voyache
j'étos in intempérie vu l'temps mais j'travaillos tous les jours à Beuvry à l'intérieur dins eune usine des houillères
j'ai quitté et j'sus parti dins eune grosse intreprise
seulemint au mois d'août je n'avos pas min compte d'heures, 1300 pour avoir l'prime d'vacances du batiment
j'ai été vire min ancien patron j'i ai dit que j'm'in allos à Béthune au bureau du travail avec min carnet vu que j'avos pas arrêté d'travailler
i m'a menacé d'fermer l'boite et d'foute tout l'monte dehors
j'ai pris min vélo et sus arparti pour pas faire tort à ceux qui étotent dins s'boite
des histoires comme l'mienne je n'ai intindues beaucoup
quand j'parlos avec chés vieux leurs infants s'faijotent arnéqués
ché un coté d'la vie qu'in veut pas vire
