ech l'étang

ché comme cha qu'on app'lot el guinguette à Lapugnoy.
ej vas vous raconter l'histoire. asseyez vous dins vos fauteuils, mettez vos lunettes et lisez.
tout a queminché i a eun'quarantaine d'années ech paron monsieur P... a eu l'idée ed construire eun' guinguette in bos avec deux étangs, chose dite chose faite. tous les week end chés hommes i z'allotent ale pêque au matin et chés garnoules i v'notent les arjoindre l'après midi. y avot des jeux pour les infants par la suite des animaux, y a même eu un mommint donné un vautour. j'ai eu l'occasion d'el vire minger i fallot pas li in promettre.
insuite chétot matinée et soirée dansantes.

normes ed sécurité oblige i a du l'arconstruire in dur et sans savoir pourquoi cha a périclité, alors el patron i a voulu canger i in a fait un endroit peu recommandape interdit au mois ed 18 ans. veyant que cha n' marchot pas, i a eu l'idée d'in faire eun' discothèque le HIT CLUB.
avec el création d'el radio W.R.P.L. des fos y avot des artistes qui v'notent donner un récital notammint l'imitateur Yves Lecoq que j'ai eu l'occasion ed vire. voilà ej sus presque arrivé à la fin ed' l'histoire.

el discothèque a fermée y a peu près 25 ans pourquoi?
ej l'ai su y a deux ans in allant printe des photos pour mettre sur el site et j'ai rincontré sin biau garchon i m'a expliqué el pourquoi du commint, tout in m'faisant promettre quand j'i ai demandé l'autorisation ed mettre les photos sur el site ed ne rien dire. promesse qu'ej va ben sûr ténir.
voilà ché la fin. asteur té vas m' poser la question commint que té sais tout cha nounours? pour la bonne et simple raison que min défunt père il y allot travailler après ses journées ed fosse pour arrondir les fins d'mos. j'allos souvint avec li pendant les vagances. i a queminché par l'entreprise ed démolition du patron, insuite i a été "muté" ale guinguette.
y avot toute l'équipe Pierre V., Raymond F. et bien d'autres, on les app'lot "l'équipe ché pas génant cha va s'inringer".

voilà ché fini. ej cros que j' n'ai rien oublié. ah si pour vous dire que chétot eun' belle époque. pour les photos ej m'armets au bon vouloir ed Marie Claire pour les mettre in lien bien que les ayant cor. mais em n'inprimante ale est hs.
j'espère que j'aurai éclairé el lanterne ed' boxerman.

En lien les photos du Hit Club de Lapugnoy
le Hit Club à Lapugnoy

Bonjour à tous et merci à Nounours 94 et à Marie-Claire pour la réponse du bois des dames de Lapugnoy. C'est vrai que c'est des souvenirs. Par contre je ne me rappelle plus du tout par où on y accédait. Si on peut m'apporter cette précision.
Merci encore et bonne journée.

el plus court ché quand t'arrivos ach' corps du bos chétot ed traverser ech' bos d'Labuissière, y avot un quémin qui t'y ménot direct. sinan i fallot faire tout l' tour ed Lapugnoy et t'farcir el côte dusse qui a ech' catiau d'iau pour accéder ale guinguette.