Les jardinsl' bas del rue d' chatel'rault
par minloute le, 02/05/2009espcialm'int pour lou marcel que j a pris chte photo, ché l' bas del rue d' chatellerault, du qui y avo , dans eune d'ché masons là, quéqu un qui vindo des chuques
in les voyo par l' farniette
Minloute, ch’étot pas dins ches deux maisons du bas, ni dins l’maison qu’in vot à moitié mais j’pinse que cha devot ête dins chelle du d’sus, ch’étot chez NINI qu'in accatot des bonbons, à inne certinne époque i avot aussi « la champe » avec ch’docteur, ch’étot dins ch’coin là aussi, cor in peu au d’sus j'cros, j’min rappelle passe qu’in m’avot inl’vé in onque ed dogt (in index) mais je n’sais pus d’quelle main.
Tout in bas à droite au d’sus de ch’capot de l’voiture, derrière l’dernière maison i avot in « four à chaux » juste avant d’ar’partir sus l’nationale.
A gauche du bas de l’rue, in face dû qu’in vot in batimint brique, blanc et tuiles sus ch’toit et du vert sus ch’grillach’, bin ch’étot l’décharch’, j’in ai passé au tamis des carettes ed chintes pou qu’min père i fasse des parpaings pou faire ch’garach’ de l’voiture L’pus dure ch’étot d’ar’monter avec l’carette plinne.
Après avec du sape et du chimint min père, après ses postes, i faisot des parpaings dins ch’l’allée de ch’gardin avec in moule qu’i avot fait et ch’garach’ dins l’cour i s’a monté tout duch’mint, d’ailleurs mes parints is ont été les derniers à avoir in garach’ dins l’cour, ches voisins is avottent pus tard in garach’ préfabriqué tout in bas de l’rue là dû qu’i avot l’décharch’ avant.
Ouais ch’garach’ là is ont dû l’abatte avec du maux, quand is ont fait ches rénovations dins ch’corons.
( 1 photos) 
