l histoire du trou d' balle

ah j' vous vo djà ichi ché vous mes gins, cha y est minloute i va pas cor faire dans la dentelle, cha va cor et' scabreux .............bin pas du tout

pasque ché d abord eune histoire tout c' qui a d' véridique , et que al'reflexion cha fait plus rire achteute que quand que ché arrivé ...

lors des derniers jours d' l occupation d' bruay, y avo pas mal ed troupes allemantes qui armontotent vers béthune , vers l' nord d' la france et ch' mot d ' ordre chéto d' pas et' à eune farniette , d' pas s' montrer ou d' laicher ouvrée eune farniette, car ché zal'mands qui s arpliotent , i craignottent des tirs ed resistants, et y zétotent vraimint tindus, certains assis sur ché carenaches des roues des carettes, fusil ou mitraillette in joue, prets à tirer sur tout c' qui bougeo ...

au 75 rue anatole france, ché pu ch' numéro là d ailleurs vu qu achteure ché selon l' distance que t a inter eut' mason et l' début deul' rue, t habite à deux chint met' du début d'la rue, eut' mason ale va porter ch' numéro 200 , bref j arviens am' n histoire, donc al' mason qu ale porto ch' numéro 75 in 1944, in in meno pas larche , faut dire que là i yavo que m' grand mère et ses deux files, agées d' 24 et 20 ans et comprenez que m' grand mère ale éto pas rassurée avec l' débacle qui commincho à avoir lieu dins ché rue
i s étotent réfugiées toutes les trois dinch' coin d' l' escayer qui déchindo al' caffe, et vla ti pas que m' grand mère ale avo oubliée d' freumer ch' farniete à l étache ou alors l' farniete al' s a introuverte , j in sais rin, in tout cas cha a pas plus aux al'mands qui ont comminché à tirer dins l' farniete pi aussi dins ché soupirals, vu que m' mère ale se souv'no que ch'voisin mr lallemand cha s invente te pas, i avo été blessé par eune balle qu ale avo ricoché sur un mur in rintrant dins s' mason, et qu elles intindottent mr lallemand qui dijo qui éto touché ...

j' vous rassure mr lallemand y a été soigné , ché zal'mands i sont artournés dins leu pays, et qu achteure in fait l europe avec eux, ché ti pas bio cha d ailleurs

donc eune fo l' libération d' bruay effectuée, m' grand mère ale a d'mindé à s' file, m'mère , qu ale éto sténo dactylo , d' faire eune lette aux zouillères pour "qui réparent l' trou d' balle" qui y avo dins ch' plafond....cha s invente pas cha mes gins .....