Les jardinsBruay té in train d' perte ton âme
par minloute le, 09/08/2005in n'intind pu ché sirénes buquer l' midi dans toute el' ville, in vo pu déboucher ché gins qui sortotent des ateliers centraux du numéro 1
i vo pu d' mineurs à mobylette, cor tout noir, avec l' mouchoir sule tiete qui rintrotent à leu mason
in vo surtout d' moins en moins d' attroup'mints , y a pu grind mint d' vieux mineurs , d'ailleurs chéto quo un vieux mineur, fallo qui atteigne 75 ans et cor , i n' a pas tant qu'cha qui l'on atteint ou qui in ont profité
non, in vo pu qu' des veuffes qui vont , avec leu cabas faire quéques courses pas trop loin , pour les grandes courses y a bin un voisin, un fils ou eune file qui vont l' conduire à mon cora eune fo par semaine
in vo pu passer ché zautobus qui ram'nottent dans les derniers temps ché mineurs qui travaillotent sur Courrieres ou Lens
Bruay pert s' n' identité, in abat des quartiers entiers pour faire des espaces verts , pour qui ? ché putot qu in arconstruit pu autant
ché la vie, dans trente ans , cha s' ra révolu et y aura pu grand monte qui pourra raconter quéquosse d' vécu su les mines
ché l' progrès , ou plutôt ché eune pache qu' asse tourne , Bruay devient eune ville dortoir , ché jones i vont travailler à Lille et sa banlieue
donc mes gins ché pourcha que j' arprinds ch'flambeau pour qu'on oublie pas ché milliers d' gins qui ont vécu ichi y a pas si longtimps ...
