Noé in Chti 2008

Si os avez l'occasion d'êt' à Lille verdi prochain 19 déchimbre, et si vous z'êt' libes el soir obin merluette (curieuse) fot daller vir :
Noé en Chti,
églisse St Pierre St Paul quartier Wazemmes , à 18 H

El Noé in Chti i'a té créé in 1993 par l'argretté Robert Lefebvre, el journalisse d'FR3 et dé l'Vox du Nord, chti, qui a découvert Raoul de Godesvarsvelde. Pou l'preume fos, not' parlage rintrot dins eine églisse. Edpu, succès obliche,i'a été copié, plagié et d'bafious sins scrupule i diste l'avoir invinté ocore prenne es nom, palent d'Noé in Chti qui n'a rin à vir aveuc el vrai. In vind même des bricoles portant sin nom. Metnant, Nelly Lefebvre et sin fieu Emmanuel, assistés d'leu famile, comarates et amisses continuent dé l'faire vive
Un trio pon trisse (Ah nan!) arprésintant l'Nord-Pas de Calais et l'Picardie, Pierre Delannoy (P.d.C), Jean Louis Tétart (Aisne/Picardie) et Mario Dario (Nord) aront l'plaisir d'vous accueillir !

11 feimmes et parel d'hommes (vive el parité !) auteus, poètes, canteus, humorisse, sovint méconnus du grand public, f'ront décovrir, in tout simpe, les belles paroles d'not lanque régionale, bin du contraire dé ch'parler ras d'tierre qu'in intind treup sovint, seurtôt alintour des baraques à frites.
Des canchons
aveuc el tonique Caveau Lillos, el groupe rigolo des Camanettes, l'tert (tendre) Max André Lézy, el troupe ed cant poétique RE-Naissance imm'né pa Pierre Delannoy, les joïeux Ghislaine et Bruno et l'tout bon Simon Colliez,
D'biaux tecstes
aveuc Annie Bacouet, Christine Damie, Roberte Duchatelet, Jean Marie Lecomte, Thérèse Vasseur, Pierre Noël, Jules Ramon,
Du conte aveuc Mario Dario
Des poésies aveu Christian Bastien, Joelle Jonas
Du rire aveuc Jean Louis Tetart
et cérisse su l'gatiau, eine belle seurprise .... l'actrice bin connue Jenny Clève
Tertouss v'nir vir Noé in Chti !