Les jardinsen vagances à Merlimont cor
par minloute le, 25/11/2008les vitrines ale paraissottent pas parel à Stella qu' à Merlimont , cha paraisso plus bio, chéto tentant mais m' mère ale avo l' réplique " té va pas t' charger d' cha, in est à pied, et faut cor rintrer à merlimont" , alors te dijo rin, et té continuo à pied, mais cha commincho a faire loin eune fo arrivé au bout de Stella, pasque là faut rintrer par la route, et là , t as qu à avincher l' long d' la route, pas question non pu d' lacher l'main de t' mère pasqu i a des carettes sul' route , et savez l' plus dur quand qu in est tchiot ché d' vire dés l' début du qu in do arriver, là bo tout au bout del route, ouais tout au bout, et pas grand cosse à vire tout l' long del route, y a bin ch' dernier bistrot auberche avant d' aller vers Merlimont, mais j 'sais qu in s arrete pas, ché bistrot ché pas bin , meme si in vo que dehors y a ch' frigidaire du que d dins y a les glaces, nan , min père y a des bonbons dins ' poque
in avinche in avinche, et là in arriffe à Garden Plage, connaissez vous Garden Plache, ché eune station balnéaire du qui a pas d' plache , si si ché vrai , cha a été créé entre Stella et Merlimont mais cha a fait faillite, l' preuffe cha va nin jusqu al' plache ...
in continue cor in tchiot peu et là in l' vo d' miu in miu ché l'chateau d io, juste à l entrée d' Merlimont, eune fos atteint in avo pu grinmint à faire pour arriver al' mason
