en vagances à Merlimont

quand qu in éto en vagances à Merlimont, y yavo eune prom'nate qu in faijo au moins eune fo par semaine, chéto Merlimont Stella Merlimont à pied

in faijo cha à pied souvint quand qui faijo pas trop bio, zallez dire chéto souvint, mais nan chéto aussi un bon souv'nir

premiere version Merlimont Stella par la plache et artour par la route

cha chéto l' version quand qui faijo meme pas assez bio pour arvénir par ché dunes

tout in étant tchiot les distances ale paraissent plus grantes, j' me souviens quand que j allo à merlimont et cha fait un momint que jy va pu mais jva pas m étinte sul' sujet, j' m éto aperchu que Stella chéto pas si loin qu' cha, mais infant chéto eune sacrée distance, et que dire du Touquet qu in voyo au loin et qui nous paraisso au bout du monte et innaccessipe , in y arviendra plus tard ...

mi tchiot j' courro d'vant , mes parints derriere , à ramasser un bout d' bo pour faire un fusil, mais j éto quand meme sous surveillance, "ramasse pas cha ché sale, touche pas aux zalques, attention al' bache, attention au goudron d' pas t in mette su tes vet' mints , t approche pas trop des bloquosses cha peut querre" , mais chéto aussi l' preteste ed trouver des bio coquillaches , d' faire des dessins sul' sape avec un bout d' bos, d' courrir desespèrèmint après ché caronnes d' mouettes qui s' sauvottent au dernier momint , meme qu in coup in a vu un coupe ed cygnes qui s étotent arrétés , mates dans eune bache ...

enfin in arrivo à Stella, les abords d' la plache cha faijo pas fini, in s arposo chinq mineutes sur un banc, à l abri du vint, in arvo armis les sandalettes , et aprés in parto traverser Stella, chéto l' momint que j' préféro pasque in faijo du leche vitrine, zallez dire y avo les meme cosses à vinte à Stella qu à Merlimont, mais savez chéto djà l' dépays'mint ....