dans la rubrique coup de coeur

ouais j a mis cha dans la rubrique coup de coeur , j' va vous faire eune confidence et ché un complimint, connaissez André d'Marles ? mi j a vraimint ker l' lire, d abord ché d eune précision millimétrée, am' mote qui devo et' fort à l école in technologie
mi ché pas min cas, mais j' trouffe qu on s' complete bin, Marie Claire, ché "carré dans l'secrétariat, l' rang'mint, le class'mint" , y a des coups quand que j' sais pu quéquosse concernant l' site, j' y invo un messache et paf am' m artrouffe cha , chéto par exempe dans un sujet d' 2005 ou d' 2006 .....donc coté secrétariat, cha roule ché l' moins qu on puisse dire ...
pi y a eu Ch' Zio , qui nous a quitté y a plus d un an , chéto un ancien ingénieur, d eune simplicité, qui auro pu nous printe d bien haut vu tout c'qui avo fait, tout c'qui avo cottoyé comme personnaches, i nous invoyo des zartiques d' eune précision au millimete

Ch'zio y est pu là, mais j'su sur que d' là haut, i do cor raviser ch' site et vire qu' André i a pris sin relais
que dire d'André ? qui a pris ch' tic à Ch'Zio, quand qui nous fait un artique que che so sur eune lampe d' mineur ou un sujet sur eune manifestation ou qui relate un fait, ché du nanan, ché du carré , du fich'lé, y a pu qu à minger les zius freumés
et mi dins tout cha mi j' vir'volte, mais ché min coté poéte, i n in faut aussi, et j va vous dire un truc, in jour in a archu un mail et André te rigole pas pasque j' te l a jamais dis , in archois un mail d' quéqu un qui dijo j' vous l' fais court mais ché la vérité vraie " ah ché un bio site histoires de chtis, enfin surtout quand ché andré qui met d' zartiques, pasque l ' aute, l' minloute cha part toudis in suchette"
des "André" in n in faudro cor plus pour promouvoir l' région, vous m' direz si vous clonez des André, va y avoir eune paire d'presque chauffes cor in plus dans ché rues, mais c' que j apprécie surtout outre le tact , le savoir vivre et le savoir etre, ché l amour qu y a pour s' région, y est partout du qu on travale pour garder l esprit du bassin minier
ah te peux rougir ,ou dire que j in fais trop, bin nan té comme cha, et j' diso qu André i avo l amour des' région et miu qu' cha in n' est fier , et cha cham' va dro au coeur