maisons des maites

alors quand que j éto à l école, chéto presque mystèrieux d' vire que l instituteux i avo s' mason dins l école

ch' maite qu in voyo in blousse grisse , in l imagino presque "estraterreste" , cha faijo drole ed savoir qui éto marié, qui avo d' zinfants et que certains restotent habiter dans l' enceinte meme ed l école

comme chi i zétotent programmés pour et' toudis d'zinstituteux, 24 h sur 24 h , toudis disponipes, leu blousse grisse in fait ils la gardottent toudis, meme que cha devo pas et' pratique pour aller s' couquer, mais ch' perchevo cha comme des , commint qu on pourro dire cha, comme ché pompiers, toudis prets, in fait ché sentinelles ed la culture .....

cha nous faiso drole j' la dis d' savoir que ch' maite i éto marié, j' cro que tout tchiot in in éto un peu jaloux j' cro bin

mais l' "pire" chéto ché zinfants, in les avo pas ker, in s in méfio toudis, pasqu in s' diso si in fait des con'ries li i va l'dire à sin père, ché un espion et in fait in juo que l' "minimum syndical" avec eux
pi i yavo d' l injustice, ti al' récré au soir, t allo dins l'cour avec t' tchiotte musette que d' dins y yavo tin gouter ah chéto agréape ed minger dehors, mais quand qui pleuvo que tout l' monte i éto sous ch' préau ,que cha faijo un boucan du diape, que ché maites i gueulotent pour pas qu in jue avec ché robinets ou qu in jue à cache cache dins ché ouatères, bin in avo armarqué que l'fils d un instituteux qu in avo bin li s' mère ale véno l' querre avec un parapuie dins l' cour querre sin tchiot pour qui goute à l abri al' mason , pauv' pitit

in preno l' arrivée del' femme d' l instituteux comme eune intrusion ouais , elle ale avo l'dro d' rintrer dans l' enceinte ed l école par l' porte arriere de s' mason qui donno sul' cour, et nous mères ale pouvottent pas,vu que ché portes d 'entrées ale zétotent freumées à clef