Les jardinsin passant près du boulodrome
par minloute le, 13/08/2008Ah chta ch'theure chi qu' t arriffe ti ?
Toudis quand que tout y est fini ! t as pu qu à juer tandis qu' nous in a passé ch' rouleau , sortis ché boules , artirés ché tchiots cailloux pour que des ingins comme ti i dissent te pas aprés que l' trajectoire del boule ale a été modifiée par un caillou, ah in t' conni ti .....
nan mais si j' su in r'tard ché pour la bonne causse, tiens au lieu d' gueuler, ouv'me l' porte pour que j' rinte l' mobylette, j a ram'né des munitions, mais faudro les faire arposer vu que cha a du et' ayonné dins ché sacoches
j a passé à mon Willaume acater eune paire ed lites d' mousse , pasque vu ch' temps i va faire caud , in va et' attaqué par ché betes d' orache si cha continue .......
in jue ? ah si nin minque cor un chéto pas la peine d' me tomber d' sus les gars, gardez vot' saliffe pour ch' dernier, i paira un coup ach' café in arpartant , ah nan , si ché x , nan s' femme ale veut pont qui ale au bistrot , bin i ramen'ra eune boutele el' prochain coup, ah s' femme ale est pas commotte, bin i f'ra comme mi i rus'ra
bon allez ché pas d' tout cha, j' va met' mes zespadriles , ché miu pour juer, té sins bien l' sol et cha aide
ah l'vla li, hé t éto du ti ? cor coinché avec grand mère ? cha m' éton'ro ..... i z' ont rappelé ché zartraités aux zoullères ? i minquo quéqu un pour déchinte au fond ?
t' arviens d' faire un poste ?
méfie te, mi j' me su fais ingueuler pasque j' su arrivé in artard, alors ti , té peux t' préparer à ram'ner eune boutele l' prochaine fo....
( 2 photos) 
