autour del statue

j a déchindu au centre ville, et j' su passé comme souvint du coté del statue du mineur, statue camuchée au fin fond du parking del plache legentil, la plache ed l' europe, certains diront mais c est ch' plache ché là que ché gins i sont déchindus l' premier coup dins l' terre, et comme ché marqué sul' plaque, hommes femmes ET enfants sont déchindus par chi
mais alors pourquoi l' camucher derriere eune hayure, pasque si té pas d' bruay al' limite d abord té vo rin qui pourro t'rappeler l' activité minière dins la ville alors que durant 150 ans TOUT a tourné, gravité autour d' la mine ....
alors passer de TOUT à RIEN, y a quand meme un juste miyeu à trouver enfin j' pinse

laisser l' statue là d accord, mais i faudro ptete nin met' eune aute , devant l ancien "cercle" quo que mette eune estatue au cent' ed bruay cha veut pas dire que beaucoup d' gins i la verottent, vu que tous ché commerces sont arpartis al' porte nord in n in arpal'ra plus tard ...

mais j' cro in fin d' compte, que l' actualité, le présent, print l' dessus inexorablement sul' passé, ravisez ch' monumint aux morts, symbole durant eune paire ed' décénnie du souv'nir de tant d' morts qui a eu so d' personnes originaires ed bruay , mais ch'monumint i arprésente aussi pour mi , eune périote eune époque du qu à bruay , des troupes indiennes étotent stationnées, du qu in intindo très souvint et quéqu' fo in permanence l' roul'mint du canon en prov'nance ed lorette ...et que meme bruay a été sous l' command'mant britannique ... que m' n arriere grand mère ale avo meme quitté bruay les deux dernieres années del guerre, pasqu ale voulo qu' s' famile , qu ale avo été touchée par l' guerre ; un fils éborgné, un aut' blessé , ale voulo que s' famile al' subisse pu rin durant ch' conflit ..... bin ché bin eune pache ed la vie qui a eu ichi, bin cha a pas impéché y a eune paire d années d' déplacher l' monumint aux morts qui d'veno "génant" pour l' circulation automobile ............
et tn'ez vous qui habitez bruay allez raviser ché noms des morts d' 14 18 , verrez qu' ché pas évident à aller les vire, vu que ché sul' coté du monumint et que dans eune paire d années faudra un coupe coupe d abord pour vire l' plaque vu qu' ché tuyas i prennent l' plache et surtout ché noms sont d' moins en moins visipe, l' peinture dorée ale auro b'soin d ete arfaite

alors in fait parel pour l' estatue du mineur, comme chi in avo peur comme si i fallo pas met' in avant sin passé, meme si ché un passé "industriel"

oh verrez bin ou plutot verrez pas in s' ra plus là mais zallez vire , dans chinquante ans, in va tout essayer d artrouver et d'mette in valeur, ché toudis comme cha, comme si d abord in voulo effacer eune cicatrice ché gins ont vécu à la fin des mines , in veut tourner eune page comme si in in éto pas fier et j' vous pari un bock que ....mais cha s'ra l'prochain sujet