Les jardinsArconnaissance des Lanques régionales
par TIOT RITAL le, 23/07/2008L'Parlémint (Députés,sénateurs) vient d'canger quèques z'affaires din l'Constitution . J'pal'rai pon d'chu qui intéresse l'z'affaires politiques. A chacun d'vir si ch'est bon ou pon. Mais chu qu'j'artiens , ch'est qu'infin in arconnot les lanques régionales édon not' parlache,el picard ( vrai nom d'chu qu'in pale) . Achteure ,pusse qu'avant ch'est à nous d'ouvrer auprès des hommes politiques et culturels ,des médias , pou qu'not parlache i soche arconnu aussi bin qué l'berton ,basque ocore alsacien. Pou cmincher, in voudrot pusse d'émissions à l'radio régionale et nationale ( i n'd'a pon gramint 2 ocore 3 ),télé ( zéro in ch'momint) ,pa d'z' artiques pu nombreux dins les gazettes ( i foque qu"Parlache" ed Guy Dubois dins l'Vo Du Nord es temps en temps). Epi aussi ,in voudrot qu'les éditeus i sochte moins froussards pou éditer nos lives, canchons ,dessins. I'a d'l'ouvrache ! Mais comme in dmore dins l'Nord-Pas d'Calais ,in a pon l'frousse ed cha !
