Les jardinsA l'ombre des terrils, Ch Bruchet
par JF Majcher le, 10/06/2008A L’OMBRE DES TERRILS
Poème de Charles Bruchet, Noeux les Mines (1925-1989)
Extrait du recueil de poésies publié en novembre 1977 à Noeux les Mines
Avec é'm' p'tite pinsion
que j'touche tous les 3 mos,
ajoutée au CARCOM,
Bien qui n'soit pas bien gros
avec mes bons d'carbon ,
et min méd'cin gratuit,
mi j'vis dins les corons,
à l'ombre des terrils,
mi j'vis dins les corons
et malgré tout c'qu'in dit
mi j'vis dins les corons
ya pas plus heureux qu'mi :
dins l'noir pays qui est le mien
Avec min p'tit gardin,
paradis d'illusions
dir' bonjour au voisin,
qui guette ses pigeons,
ramasser sin journal,
y lire les nouvelles ,
ailleurs quand cha va mal,
nou vie parait plus belle,
mi j'vis dins les corons,
à l'ombre des terrils,
mi j'vis dins les corons,
ya pas plus heureux qu'mi :
dins l'noir pays qui est le mien
Tous les ans à l'ducasse,
inviter ses infants,
et quand, moyin i passe,
Noël : ar'faire autant,
archuvoir sin voisin,
qui vient nous êtrenner,
é l'sam’di print' sin bain,
l'sam'di s'arnouvier,
mi j'vis dins les corons,
à l'ombre des terrils,
mi j'vis dins les corons
ya pas plus heureux qu'mi :
Dins l'noir pays qui est le mien
L'herbe comme un linceul,
recouvre nos terrils,
des fosses, faut fair' sin deul,
ch'est fini, bien fini,
in n'verra plus jamais,
les geul'es noires armonter
i nn' dira plus jamais
"au trois ya cor' un tué"
et beaucoup d'gins comm' mi
un jour au paradis,
diront "dins les corons,
à l'ombre des terrils
dins l'noir pays in étot bien"
Charles BRUCHET
