Les jardinsmin premier gros chagrin !
par annie62110 le, 10/06/2008mi j'sus née in 1947 din l'maison de m'grand'mére , mes parints i z'habitotent là, pace qu'aprés la guerre ch'étot pas facile d'avoir eune maison méme quand in étot mineur !
inutile ed vous dire que j'étos l'bradée à mémere vu qu'al avot eu trois garchons, al dormot dins l'chambre in bas, et souvint quand in montot s'coucher je m'faufilos din sin lit, d'temps in temps j'y restos même tout l'nuit, ch'est là qu'je m'sintos l'mieux !
et pi un jour j'avos cinq ans, v'la ti pas que j'vos qu'in démonte l'chambre à coucher à m'grand mére, i m'a fallut in tiot bout d'temps pou comprindre qu'al déménageot !
mais quand j'ai compris et qu'j'ai vu l'piéche vide alors là ch'étot parti pou ch'gros chagrin, mes parints i pouvotent pas m'calmer, j'ai brai tout l'aprés midi, j'app'los m'grand mére, j'voulos pu vire min pére et m'mére, quand j'ai enfin fini par m'indormir j'soumaquos core
heureus'mint qu'mémére al v'not m'caire tous les jeudis, j'voulos pu parler à personne
comme quoi même infants in avot déja nos tiotes peines ed coeur
et j'ai toudis gardé l'souv'nir de l'chambre vide, et pourtant j'avos à peine cinq ans !!
