Les jardinsl'messe du diminche !
par annie62110 le, 04/06/2008in passant, j'ai apprécié l'messache ed fred dins ch'livre d'or, ch'est vrai que l'vie al a bin cangé, nous quand in étot tiots tout l'semaine ch'étot l'école, l'jeudi l'catéchisme, et l'diminche ch'etot l'messe, et pou y'aller j'avos un sacré bout d'quémin à faire, fallot traverser tout Fouquiéres !!
donc bin habillée pas riche mais "propre" avec des cauchures bin cirées et des cauchettes blanques, sans oublier min foulard pour mettre su m'tiéte pindant l'office, min missel dins min tiot sac, ché zimaches d'Ste Rita qu'mémére al m'avot données, de l'monnaie pou la quéte, j'étos fin préte à m'in aller
quand j'n'arvénos j'étos usée, aussi bin que toudis croyante, aprés m'communion j'y allos pu si souvint, et j'cros qu'in étot gramint din ch'cas la !!
mi el seul diminche que j'avos ker aller al messe, chétot el jour d'el kermesse du curé. ech jour là ej faisos semblant ed y aller mais in réalité j'allos vire ché musiciens répéter dins l'salle derrière l'églisse Saint Martin.
