Les jardinsLens i'armont'ra !
par TIOT RITAL le, 19/05/2008Bin seur, in bon nordisse, cha fait pon plaisir d'vir l'Racing d'Lens déquinde in Ligue 2 ! Guy Roux, l'homme aveuc qui in dallot vir chu qu'in dallot vir, i'est v'nu. Et in a arrien vu ! Pis el jonne intraineu Papin l'a rimplaché. Et comme l'situation cangeot pon, in li a mis un tuteur, l'grand Druide. Cha n'a arrien cangé! Normal ! L'intraineu i peut êt' aussi bon qu'in veut, avant tout ch'est les jueux qui jutent au ballon ! In l'oblie treup souvint !
J'cros qué l'déquinte ch'est un mau pou un bien ! In va cmincher pa transférer quèques jueux bin (treup?) payés pou diminuer l'masse salariale pasqué Lens i'avot un des pus greux budget dé l'Ligue 1 ! (Volinciennes, Lorient, Le Mans, aveuc un tout tiot budget i s'sont miu défindus !).
In l'zé rimplach'ra pa des jonnes, des leus inragés, qui acruitent leu quémisse pou gangner. Mie soin d'canger d'intraineu, nan ! Chu qui fot ch'est des jueux sérieux qui ont ker leu métier et pou cha qu'i n'font pon la noce dins les boîtes ed nuit! (I n'd'avot quèques uns à Lens !)
L'public i s'ra derrière s'n'équipe et l'année prochaine, ch'est seur, Lens i armontra!
j'em' sus toudis demandé pourquoi Gervais Martel i a ingagé Guy Roux? quoique qu'i avot bien pris Roland Courbis alors qui nous avot traités plus bas que terre. ch'est peut ete li qui devrot passer la main!!!
