Les jardinsl' confort ed vant l' télé
par minloute le, 21/07/2005nous in a eu l' télé en 1969, j avo 9 ans
in laisso pas l' télé alleumée sans la raviser comme achteure, comme chéto les débuts qu in avo cha al' mason, j'diro presque qu in l' respecto , ch' poste ed télé
i éto dans l' salle à minger, chéto l' pieche qu in utiliso qu eune fo dans l' s'maine ech' diminche quand m' grand mère al' véno minger avec nous
grande tappe, sieches pas trop confortapes aux grands dossiers, grand buffet avec eune glache dinl' fond du qu in sorto religieus' mint l' service du diminche
donc el' télé ale est arrivée , in raviso l' télé autour del grande tape religieus'mint, sans oser bouger , chéto bio
deux ans plus tard in fait comme ché riches , ouais, in a mis dans l' pieche d' devant le grand' tappe, ch' buffet et l' salle à minger ale est d' venue salon
ouais mes gins un salon, eune grande banquette noire en bébé skaille, pi deux fauteuils aussi en bébé skaille noir avec des boutons ed s'us pour faire des bios plis such' dossier
ouais ch' salon , chéto pu l' meme rapport face ale télé , in s installo confortablement ed dins ché sieches, min père i avo mis sul' coté d' sin fauteuil un cendrier à pied , savez ché cendriers qu on appuyo such' bouton et que ch' couverque i déchindo comme en spirale et hop el cigarette ale disparaisso dinch' fond .........
ouais in éto cor loin deul' télé commante , des centaines ed chaines mais in commincho à j va pas dire s imbourgeoiser, quoi que..... in éto fier d avoir un salon
