Les jardinsl'ascension d'ech terril ed Loisinord à Noeux
par kiki le, 07/05/2008Bonjour à toutes et tous , ouais aujourd'hui eune journée extraordinaire aveuc un biau soleil et un ciel bien dégagé, j' me suis rindu à Noeux-les Mines pour grimper in haut d'ech terril
et bin mes gins vous savez cha vaut l'coup d'faire el grimpette, bon arrivé à la moitié in souffle un tiot peu et après in armet cha jusqu'in haut d'ech terril et bin croyez me vous in prenez plein la vue et vous respirez l'bon air.
J'vas vous faire partager eune paire ed photos aveuc des vues panoramique qu'ja prises d'là haut.
In peut y vir l'ville ed Noeux aveuc ch'magasin Leroy Merlin d'ssus l'ancienne fosse du 1 d' Noeux, l'tiot terril à côté, chés corons bin alignés et in peu vir aussi Les jumeaux d'Haillicourt, les terril ed Marles.
Pis aussi ale fameuse base de Loisinord aveuc ech lac, in dirot eune carte postale.
Bin ouais mes gins j'l'avos dit qu'j'l'aros fait et vous savez j'peux vous dire ch'est un vrai régal pour les yeux.
J'vas vous souhaitez à tertous eune bonne semaine ensoleillée in attindant chés vacances.
( 5 photos) 
