Les jardinsécole Loubet Mr Robitaillé
par minloute le, 30/04/2008mr Robitaillé, chéto m' n instituteur ed'CE 2
j in ai gardé un bon souv'nir, un homme dro, exigeant mais humain à la fois
aie ! chéto calcul mental, allez tout l' monte i sort es' n ardoisse , sin chiffon, s' craie
mi j' sais nin commint que j' faijo mon compte, min chiffon plein d' craie i traino dinch' cartape, et ché zautes cahiers i zétotent arcouverts d eune poussiere blanque, et ché coins écornés , j éto nin soigneux
nin soigneux et pas fort in calcul mental, "ravisez pas sur vot' voisin", facile à dire, mais quand qui faut artirer 27 à 51 , avec chte fameusse artenue, qu ale m a bin imbétée ch't' artenue......
"allez montrer ché résultats" mi j'monto m' n ardoisse tout douch'mint pas sur du résultat, pas comme l aute au bout , ch' blond avec s' n air prétentieux, sur ed ' li, normal i avo toudis bon ch' t animal, et c'qui m inquiéto ché que j avo rar'mint l' meme résultat qu' li
aute cosse qui m a posé bin des soucis chéto l' heure, in avo du fabriquer, enfin m' mère, pasque mi et l' traval manuel, in peut pas dire qu in éto 2 j'diro plutot qu in éto quate ....mi j avo mis qu' les chiffes su l horloche in carton
parel, ajouter 25 mineutes à 55 mineutes, combien cha fait d' mineutes jusqu à eune heure passo cor, mais parel , ch' faijo un bloquache.........
imaginez alors quand qu in a abordé les fractions, mon dieu que malheur, meme m' mère al' croyo que j allo jamais y arriver , j' do vous dire que ché nin cor min fort aujourd hui...enfin j' me débroule quand meme
heureus'mint y avo l' histoire , l' géographie, et l ' orthographe du que là j éto vraimint am' n aisse ....
