Les jardinscommint in opérot les amygdales
par Marie-Claire le, 18/07/2005J'a un souvenir d'l'opération des amygdales qu'in imaginerot pas possipe ach't'heure.
J'a eu 7 ans en 1963 et à ch't'époque là y avot eune "mote" qui consistot à opérer tous ché infants des amygdales à 7 ans.
Alors à 7 ans j'a eu drot à m'n'opération comme tout l'monte. J'sus partie avec m'mère à pied l'matin au dispensaire ou ptete dins eune aute salle, cha j'sais pus trop mais l'suite j'a pas oublié...
In attindot sin tour et in arrivot d'vant l'chirurgien assis sur s'cayelle dins un ptit cabinet, y avot eune aute cayelle in face dû que j'm'a assise et in comminchot par vous faire souffler dins un ballon, cha chétot pour anesthésier.
Queques instant après j'a vu ch'chirurgien attraper eune paire d'ciseaux, in ouffe l'bouque bien grand et in bouge pus .. et là bin chétot pas compliqué y avot pus qu'à coper ché amygdales ...
Après in avot drot à deux heures allongés sur un lit sur l'vinte j'cros bien, précaution in cas d'hémorragie. Et consigne d'minger del glace, chétot l'bon côté d'l'affaire.
Bon in fin d'compte cha parait barbare raconté comme cha, mais j'a pas souffert du tout et j'a même pas été traumatisée. In fait in s'posot pas d'questions.
Ch'qui a d'sur ché qu'j'avos toudis des angines qu'j'a quasimint pus jamais eu après même core acht't'heure.
Chétot ptete cha l'raison d'l'opération systématique, cha féjot faire des économies à l'socièté d'secours minière.
In arvénant, chétot jour d'marché à Grenay, maman m'a akaté eune médale que j'a core de l'immatriculée conception su l'marché.
