t as voulu voir paris et in a vu paris

l' suite au matin del peinture, grand mère as' lèffe, ale arriffe din l' cuisine, et ale dit "t as pas artiré l' peinture vert gardin ?" nan j y dis faut qu' cha s' seque

et là , d'vant les tro files et mi ale dit "d' toute fachon, vert gardin ché pas bio, faut canger"
j a failli querre d aposplexie à terre...... ché files ale rigolotent d'dins leu coin
et grand mère ale dit " bin t ira canger l' peinture et té prindra eune aute" , j y a dit " té m a bin vu ti, armonte t' marronne et mouque tin nez, si té continue ch' pinceau ché nin t'guiffe qui va arriver ché dint' main" là ale a battu in r'traite, mais savez j' les conno ché garnoules in s in méfie jamais assez, la vla qu ale arvient eune heure aprés al' charge, "si té veux j irai avec ti pour canger l' peinture" j y a répondu "brin à tes loupes , j a aut' cosse à faire" alors là minloute j' m in su voulu d' pas avoir vu arriver l' grosse arnaque, ch' piege à zomme, ale avo un bouton d ouvert à s' kémiche , as pinche in avant et mi , pourtant j a lutté , j' m arsus artrouvé ch' nasio, et ché ziux attirés par cha, donc ch' t aprés midi in va insempe querre el' peinture, j' m in veux cor , mais j' dis cha pour ché jones ou ceux qui ont pas d' 26 ans d' vie commune, ché qu on peut core et' pris comme un tout jone marié ......

in n' a qui vont dire minloute teut' laisse faire, t auro du l'laisser daller querre s' peinture toute seule et comme cha ale aro acaté c' qu elle voulot et t auro eu la paix

j' dis nan, faut et' là avec ché garnoules pasque si teu les acoute , ale vont t arfaire al' mazon c ' qu ale zont vu à l émission déco sur la six avec valérie damido, savez l' blonte qu a s pose là, bin ché s' n idole am' femme
mi nan , pas que l j l' a pas ker pasque j' trouffe qu ale anime bin s' n émission, mais commint dire , in n a pas forchémint les memes gouts

alors in arriffe dins ch' magasin , in fait un avoir pour ché pots pas utilisés, cor heureux que j ' l avo pas trouvé in séyau d' chinq lites sinan in auro été d' lèque ......

et in arriffe dinch' rayon, là y a un nuancier, savez des couleurs d' peinture et qui zont mis nan par sorte, mais in association d' couleur

mon dieu que malheur, sin premier choix .....rin qu au nom des zappellations d' peinture , in s a faché
l' premier choix, chéto commint vous dire j' cro que chéto du genre "taupe des galapagos" avec "crème de tralala" et l' troisieme peinture "jaune pistil"
à tchier mes gins, et quand que j' dis à tchier, j y a dis que s' couleur "taupe des galapagos" cha s' ro eune bonne idée , pasque cha devo pas trop couter ker à fabriquer , "pourquo té dis cha minloute ?" bin j y dis , am' n avis ché fait so avec des couches d' vieles personnes dins ché zopitaux ou alors des couches d' tchiots jones, zavez, ou in tout cas busiez quand que vous aviez eu vos infants, y a des coups quand qu' vous ravisiottent ed loin vote garnoule qu ale chingeo les fiesses des zinfants qu' zavez eu, y yavo des couleurs qui n étotent pas dinch' manuel, bin là chéto cha , avec l 'odeur en moins quand meme
bon ale hausse s' zépaules , et ale ravisse un aut' nuancier, là chéto un nuan à tchier, que couleurs mes gins, i parait qu' ché tendance, ah ouais ché bio, surtout ché les zautes j y a dit , tient ch' couleur là al' s appelle commint ? am' dit j' sais pu trop co mais du ginre "effluffes des mers caudes" , ah bin j y dis t as vu l' guiffe à l effluffes, mi j' diro plutot "fond d' maronne" , ale hausse cor ché zépaules, et là OUAIS LA , MINLOUTE, I VO EUNE COULEUR QU ALE S APPELLE "terre du sute satin" ET LA , un tchiot peu commint qu on pourro dire, ouais quand que j' me déshabile cha li fait l' meme effet, ale est restée in admiration, ale a essayée d' artenir pour pas montrer que CHETO MINLOUTE qui avo INCORE trouvé l' bonne couleur, et là arme secrète ed minloute, comme ché grands espécialistes del déco , j y dis " pi terre du sut satin, cha f'ra un dégradé d' couleur un tchiot peu pu sombe que l' couche du mur que j a mis couleur caramel blond" là, ale avo les ziux comme ché machines à sous, savez quand ché roulettes ale tournent avant d' arreter et qui faut trouver tro pommes, tro quériches, pour gagner l' gros lot , mais qu in regue générale, ché nous qui i laichont des quériches .....

zallez dire , cha y est ché gagné, bin nan fallo trouver l' couleur qu ale voulo met' sur ché meupes , et là j a mis l' couleur du pot "terre du sut" juste au d'sus des zautes couleurs et là ale a dit , ché cha que j' veux, bon ché cor à base ed vert, pour mi ché vert uniforme allemand, j' sais pu commint cha s appelle vraimint , mais j' vous promets d' mette cha in line et comme cha pourrez donner vot' avis ....