Les jardinsem grand mère ou mémére
par nounours-94 le, 20/03/2008Al's'app'lot Anna, al'restot à l' deuxiéme porte d'el rue d'Bône au 3.
Al'avot un rituel tous les jours à eun' heure vingt précise, al'allot boire sin café à mon Jeanne es voisine d'in face qui étot couturière.
Tous les jeudis j'allos passer el journée as mason, alors des fos pour el faire inrager j'essayos dé l'in impêcher mais al'a jamais cédé.
Des fos j'allos avec elle ej récupéros des bobines sans fil et in rintrant quand ej n'avos grinmint et quand j'pouvos pas aller m'amuser dinch gardin avec min grand père, ej juos à faire des labyrinthes sur el tape ed salle à manger.
Et pis Jeanne al'a déménagé pour aller rester rue ed la Cavée in face ed sin garchon, mais mémère al'a pas cangé ses habitutes qui pleufe, qui vinte, qui neiche, al'étot toudis au rindez vous
Et pis Jeanne al'est partie, min grand père aussi alors à note tour in a déménagé pour rester in face et pour es'rapprocher d'elle, à sin tour al'est quéyue malate tout in gardant es mason al a fini es vie al nôte.
Et c' qui m'a el plusse marqué ch'est que pendant trois jours de veille quand ej déchindos les escaliers d'el champe au matin in m'lévant et que j'ai l' veyos dins sin cercueil in face dé l' quéminée, ej pouvos pas m'inpêcher ed braire tant l'bonheur qu'al' m'avot apporté aussi bien elle que min gand pére. mais cha ch'est eun' autre histoire.
