Les jardinsDu fil à tout faire
par PISAREK le, 19/03/2008DU FIL A TOUT FAIRE :
En bon bricoleur qui se recpecte, j'ai plein de caisses de "cha peut toudis servir", rangées sur des étagères dins m'n'atelier. Hier, j'cachos après un bout ed fil électrique et là, j'tombe sur un trésor : deux morchiaux ed fil à buquer qu'min père i avot armonté d'el fosse y a bin longtimps. Bien sûr, quand jétos tchiot, min père y m'avot expliqué qu'ch'étot utilisé au fond par les boutefeux mais surtout y m'avot dit : "in peut fair' plein d'cosses avec", du style :
- T'as perdu un bouton at'veste ou at'marronne : té prinds un bout d' fil à buquer.
- Té veux attacher quet cosse su tin porte-bagach ed mobylette : té prinds un bout d'fil à buquer.
- Ta pu d'fichelle pour attacher tes pieds d'tomates dinch gardin : té prinds un bout d'fil à buquer.
- L'porte du poulailler al ténot avec un bout d'fil à buquer ; in avot un trousseau d'clés reliées avec du fil à buquer, bref, chéto vraimint un fil à tout fer (ou à tout faire).
Nou z'aut' quind in étot tchiots, in coupot des tchiots bouts avec eune pinche qu'in impruntot ach'père, in les pliot in deux pour les arcourber et avec eune fronde, in tirot sur chés moniaux quind in juot su'ch'terril. J'suis sûr qu'i n'a plein qui féjotent parel ou qui avotent d'autes astuces pour utiliser ch'fil à buquer...
J'vous envoie eune photo. Plus ed 30 ans après, cha sint incor l'odeur del fosse...
( 1 photos) 
