Les jardinsché zoziaux
par minloute le, 13/03/2008fro dehors, porte ouvrée vite arfermée, in jett' al' volée ché miettes ed pain dins l' cour.
moniaux camuchés mais à l affut, arriffent in trombe, batale pour ché miettes, i n in reste toudis un d' lèque such' carreau, so ch' plus tchiot, ou ch' moins dégourdi, bon in rouffe l' porte, dépéche te del ' printe avant qui zarviennent .........
sur ché lines d estricité , un merle ou un sansonnet, des bétals ceux là , in les avo pas ker, un coup d' fronte in avo ker leur mett' ed 'dins les pleumes, faut dire que chéto d' sacrées cibles
j' préféro ché zalouettes, s assire sul' bord dech' fossé dans ché camps, les acouter canter, les vire voler, d' abord les zarpérer ; toudis sensipe à leu mélodie, j' peux et' n importe où, in randonnée face à un bio paysache, si j intinds eune alouette j' m artrouffe tout d' suite au bout del rue leverrier assis sul' bord du camp à min père "allez in rinte" "ej peux monter dins l' brouette ?" "attind qu in so sul' route", traversée del rue dins l' brouette, vaisseau in bo qui tango au rythme d' min père " eh p'pa té peux faire des viraches ?" ti accroché aux cotés , tout contint, "bonjour Léonce, té promène ech' garchon, i est djà mate as' nache?"
"m'man, m'man, ravisse ,j' su arvenu in brouette"....
achteure dins les carettes in fait tout pour que ch' confort i so là , sieches réglapes in hauteur , in profondeur, sieche cauffant, j a vu aussi, mais mi j argrette ché voyaches d' infance, coinché inte ché zoutils, l' caisse à pétotes, brinqu' balé par l' rol in bo arcouverte d' un cerque in fer........
