y a patois et patois

eune reflexion comme cha, après quequ'jours d 'sortie du flime bienvenue chez les chtis, j a vu cha al' télé plusieurs fos, des gins du nord bin seur qui , j va pas dire "critique" mais apportent eune nuance au parlache qu in intind dins ch' flime

mi j' dis pas comme cha, j' dis cha comme mot au lieu de chtilale, jamais intindu ch'te mot là, meme y a eu un monsieur espécialiste du parlache qui dijo que chéto un mélanche d' mots patois pour que tout l' monte i comprenne

ché sur , nous qui avons été el'vés au son d' not' patois local, y a d' zexpressions ou des mots qu in auro imployé et qu in n artrouffe pas
in va pas faire l' fine bouque quand meme, pasque si chéto un flime vraimint in patois pur, y auro fallu faire djà pour ch' nord pas d' calais , eune paire d' versions, pasque ch' patois inter valenciennes, lens et boulone par exempe i a des différences, mi j a toudis in tete l' verpe manger, minger, maquer ou maquaî,
faut pas oublier que ch' flime aussi y a été fait pour toute la france , et qui a fallu adapter pour que tout l' monte y arriffe a comprinte, j a vu un long arportache sul' cable, fait durant ch' tournache, et dany boon y testo in fait l' compréhension du parlache par l' ingénieur du son qui éto pas del région et pour li chéto un test , si l' ingénieur du son i comprenno , tout l' monte in dehors du nord pas d' calais allo comprinte
cha fait aussi plusieurs témoiniaches que j' trouffe ou qu' intinds sur l accent de line renaud qui s'ro pas terripe, in va pas et' pu royaliste que le roi, et pas oublier qui a moins d un mois et demi, y a beaucoup d endroits qui pouvottent pas s' douter que chtiot biloute chéto eune espression d' eune région du qui a pas d igglous

J'sus solé ed conterdire Minloute. I'a pon patois et patois mais picard et picard ! L'malheu ch'est qu'les gins d'not région i z'ont oblié leu culture ! Quaind i z'étote à l'école,leus maîtes sortote eine belle bétisse in disant qu'leu parlache ch'tot du patois . Din leu bouque , cha volot dire parlache ed bren !
Chés maîtes ignorants (ouais mes gins !) n'savote pon qu'au Moyin Âche , l'rintrée à l'Sorbonne étote réservée aux étudiants parlant inglais, normand , frincien et .. picard !
Edon el picard ch'est pon un patois mais eine lanque ! El Picard i fait partie des lanques régionales arconnues in 1999 pa l'governémint.
Pou in savoir ed pusse i fot lire chu qu'ont écrit 3 auteus espécialises d'not' parlache , Guy Dubois (2 lecsiques su l'parlache du Pas d'Calais) , Alain Dawson (2 lives Assimil), Fernand Carton.
El picard i'est parlé aveuc plein d'variantes dins eine zone linguistique qui couve le Hainaut belge (alintour d'Tournai), l'région Nord Pas d'Calais (à part alintour ed Dunkerque), l'plus greux de l'région Picardie. Pou connaîte l'histoire d'not' parlache i fot lire el live '"la Forêt invisible", Anthologie de Littérature Picarde qu'in peut cor treuver à l'Office Culturel ed Picardie 44 rue Pointin 80000 Amiens