faut jamais les met' in valeur

j'a fait eune grossière erreur, mais chéto à prévoir, mais savez minloute y a un coeur d artichaut , yé trop gentil et ché d' em faute

j a lu à grand mère les zélloches que j' avo fait sur elle concernant ses 4 étoiles au guite mich'lin...

chéto hier au matin

hier à midi, j' a mis cha sul' trac, savez j' ma dit al' s a rindu compte qu ale été exceptionnelle in rapidité pour faire des plats mijotés ale a mis un temps à faire cuire ché patates ché zeu, et met' l'boite ed thon dins ch' saladier, j a comparé ché comme si ale avo fait 10 fois l arcette des saucisses lentiles..
mi min vinte i gargouillo, pi am' connait quand qu ale vo ch' l ours des pyrénées qui tourne et ratatourne dins l' cuisine , ale sait que j' su presque in état comateux .......

bon in minche, mi vers 18 h j' y dis eh té f'ro pas des chicons avec du jambon au four avec eune sauce béchamelle, grossieres zérreures , d abord ale finisso d' raviser su la 3 eune émission à rebondis'mints du qui a plein d' cascades, d' morts, d' action, zavez d'viné ché chiffédélettes.......
mon diu que émission, mi cha m indort , pas elle
bon allons passons, ché eune faute que j avo fait mais pas un carton rouche as' leffe ou plutot as' décrinque ed sin canapé, suivi d' ché 2 mertes , nan ale a pas l' drisse, mais ché mertes ché ché deux tchiens, ale dit rin ale ouffe l' porte del véranda pour qui zalent picher sur mes zarbustes , oh verriez ch' buis , djà qui parait qu' cha sin l' pipi d' cat qu ale dit, mi j' diro ch' pipi d' tchien, in n in print tel'mint dins ses niflettes qui est tout séqui d un coté......
am' répond pas, mi j' dis rin et bin j a eu dro à des noules, ouais mes gins des noules, j a ker ché noules, mais j avo invie d mes chicons, am' répond "t a qu a aller au restaurant si té pas contint"
moralité, et j' dis cha pour ché gins qui dissent minloute i attaque toudis grand mère, i donne eune imache avilissante del' femme (rigolez pas j a archu cha par mail, y a toudis des moralisateurs, des inquisiteurs partout, des défenseurs d'l' imache ed la femme et patati et patata, mi j' diro plutot des gins qui ont pas d' second degré, pasque j' espère que zavez compris que j' voudro pas d' canger d' grand mère....)
moralité , j arviens à m' histoire, quand qu' vous félicitez ché garnoules, zin payez les consèquences tout d' suite, hier pas d' chicon et t'nez j' va li d'minder , j' vous jure qu' ché vrai c'qu on va minger ch' midi et j ' mets l' réponse vraie qu ame fait allez j y pose " quo ché qu on minche ch' midi" bin ama répondu ET J VOUS JURE QU CHE VRAI ale a fait "pfou, té cro que j ai qu' cha à busier,j' su in train d' arpasser, et y est qu 11 heures" et ché pas des carabistoules
donc mi j' me dis à midi in s' armette au fourneau avec s' vitesse qu ale avo perdue et j' va avoir l' chance d avoir un grand plat mijoté in chinq mineutes
nan croyez pas, j' reste quand meme avec, ale a des qualités quand meme , et l' premiere ché d' eume supporter d'puis 22 ans , cha ché dirèque paradis in arrivant la haut mes gins ,connaissez pas minloute in tout cas vivez pas avec ch' cro magnon là ..... in' n a quand meme eune qui s a sacrifiée....