Les jardinsl' course ed vélo
par minloute le, 04/03/2008chinq ! et hop i arpasse ed'vant, nan mais ! ché min préféré, chti qui a l' maillot jaune, ah j a ker aussi ch' ti qui a l' maillot jaune avec eune cro rouche sur sin maillot, ché kubler qui dijo min père , ah bon, mi chéto pas m' génération ch' juo in fait avec les cyclistes in fer d' min frère, mi mes vedettes chéto poupou, pingeon, janssen, et aprés y a eu merckx mais là chéto pu pareil, i nous acato des cyclistes in plastique, ah ché vrai in n avo plus que des soldats in fer, mais dins l'détal, rin à vire, so i zétotent tout jaune , tout vert ou tout bleu, pi pas d' détail comme su ché cyclistes in fer du qu' té voyo les ziu, l' détal des mollets dins l effort, i zétotent presque animés, chti chi i éto in danseusse, chtilale i baisso l' do face au vint, pi nous in les préféro pasque in juo à ch' jeu là
sur eune tape in metto nos cyclistes , chacun i metto les siens, in les metto l' plus éloigné les uns des zautes pi eune fo qu in avo tout mi , in preno eune bille et là chacun sin tour in tiro dins ché cyclistes pour faire querre ceux d' no copains, chéto comme eune sorte ed boulingue ou d' batale navale, bin mes gins cha fait plus d' bruit quand cha qué si ché in fer, in plastique cha tompe trop douch'mint
