suite et fin du champion d' bricolache

croyez qu' minloute i a ameuté tout ch' quartier ? nan j a rin dit , j' m a installé dinch' canapé , posé ché pieds sul' tape et raviser l' télé, fier d' mi, l' traval accompli

ah nan j a pas applé grand mère, ale m auro dit "ouais ché bin, té pourro faire chi ou cha achteure " nan , j a attindu, d un coup al' appelle "minloute t a fini l' tape ?" mi j' réponds pas d exprès, "t a tout bien coupé ?" j i réponds toudis pas , j' fais ch' ti qui éto pris par l' télé , pour qu ale déchinte et qu ale disse "ouah ché bin minloute pi l' tape du qu' t ale la misse cha fait vraimint bio " (j' vous mettrais ch' soir eune photo del tape pour que vous ché zommes comprenottent ch' travail dur que j a fait , pasque ch' bo chéto nin d' l agloméré ou du bo d alleumettes que ché meupes achteure que ch est, nan ch' bo i avo du séquir d'puis 40 ans au moins et dinsch' temps là in faijo des vrais meupes, pas des meupes comme achteure, que té comminche à rimplir ché tiroirs que ché gants d' toilettes du tiroir du haut i s artrouffent avec ché serviettes d' bain du dernier niveau...)

grand mère ale déchint avec ché tchiens, ale arriffe dins ch' salon , avec ché mertes, ouais ale a deux tchiens que si té fait pas attintion té marche ed sus, savez des tchiens à mèmère, hargneux, prets à morte, mauvais caractères, un seul mait' ou plutot maitresse, as' deminder qui qui a pris l'caractère ed laute ché tchiens ou grand mère ....

donc ale arriffe toute souriante, et am' dit " chééééé bien minloute, vraimint ché bieennnn" té voyo ché ziux qui pétillottent d' bonheur, teut' dit " cha y est minloute, ale est subjuguée , ale a enfin compris qui chéto ch' maite ichi" et là.........savez commint qu on pourro dire, ouais comme dans blanche neiche, savez la reine quand qu ale s artrouve seul d' vant sin miroir et que ch' miroir i li dit nan zétes pas la plus belle ché blanche neiche , cha y est cha vous ardit des souv'nirs cha ?
parel ale s a transformée ale a dit " bon ché l'dernier coup que té met tes pieds sul' tape, cha va ch'coup chi, mais quand que t aura poncé l' tape et mis l' couche d' vernis d'main d'sus, ché fini , respecte ché chosses"

zimaginez mes gins , mes dernieres illusions qu ale partent in finquée ... vous ché jones , n' vous laissez pas faire sinan ché l' prison durant l' reste ed vot' vie

mais l' pire dins tout cha ché que grand mère ale a dit " té va faire cha d'main" mi dins m' tiete j ' ma dit "dis rin minloute dis rin" mais pas question del faire demain, pasque y a plus zimportant à faire, j a profité qu' grand mère hier au soir al' ravisse ché feuilletons sur la 6 dins l' champe in haut et j a préparé min sac à dos tout douch'mint, là j' finis l histoire et quand grand mère ale va déchinte , minloute i s'ra sul' route pour aller marcher dins l' montane, et là pour qu ale m artrouffe ...
oh j' sais bin in rintrant ale va m' tomber d' sur, ouais t auro pu faire chi , ou faire cha, mais minloute li y aura bin profité des ' journée ...

j' do vous avouer eune derniere chosse, pasque j' va y aller marcher i fait super bio
a zont du mérite ché femmes à nous supporter
mi l' mienne, ale pourro avoir un bouteillon d' eau d' vie autour d'sin cou comme ché chiens à bernard, savez les tchiens d' montane qui s occupent des causses desespérées ......


ravisez cha fait 24 ans que l' matin j' laisse mes affaires sales par tiere dins l' salle ed bains au moins un coup sur deux , mais ché pas pour cha qu am' quitte ...

nan ale eu du voir quel etre exceptionnel que minloute i est .... bon j' me dépéche sinan grand mère ale va déchinte et j' va d'voir poncher l' tape
à s' soir mes gins ....