Les jardinsla centrale de Violaine
par Potié Vital le, 16/02/2008J'ai eu l'occasion d'travailler sur un réfrigérant de l'centrale d'Violaine.
l'échaffaudache pour l'installer i avot du couter la peau d.. ch'est grand un réfrigérant et ch'est haut.
ch'étot eune société d'Paris spécialisée dins les produits d'étanchéité qui imbauchot. j'me suis imbauché, i fallot inlever chés joints et les arfaire avec ch'produit de l'socièté, ch'étot un travail qui d'demandot pas d'qualification
l'erreur que l'socièté avot faite ch'étot de nous avoir imbauchés au tarif de Paris, mi avant tout ch'étot chés sous. comme in gagnot trés bien l'vendredi y avot eune catégorie d'gins qu'in n'veiyot pu avant l'lundi, leur seminnne al s'arrêtot l'vendredi soir .
tout in haut d'un réfrigérant, ch'éto l'été, in vot loin
j'ai vu arriver du coté d'Lille un nuage aussi noir qu'une gaillette, ch'étot l'heure d's'arnaller, j'ai foncé su min vélo, arrivé au philosophe ch'nuache i m'suivot cha a plu comme jamais in avot vu
l'iau al a déchindu d'la place dins inne voyette d'gardin traverser l' maison d'un bout à l'aute, arsortie par l'porte grand' ouverte de l'pièche de d'vant.
in étot in 63 ch'étot l'été, j'restos à mo mémère in atttindant
