Les jardinsles cartes géographiques
par minloute le, 15/02/2008à l école j adoro l' géographie, ch' maite i accrocho in haut dech' tableau du qui yvo deux crochets in fer, l' carte d' la france ...
chel' que j' préféro chéto celle avec les r'liefs, massif central au miyeu , comme un coeur d' travers, les zalpes, les pyrénées, et pour mi des noms mythiques, des noms magiques : "sillon rhodanien" "seuil du lauraguais", "seuil du poitou" ,"mont gerbier de joncs", "bassin parisien" , "baie des trépassés"....
pi les leçons sur les fleuffes, du que cha prenno s' source, ché zaffluents, ché villes importantes, et l embouchure, l estuaire
la seine qu in dijo paresseusse pasqu ale faijo des méandres, l'rhone qui dijo indomptape avec ses crues, la loire qui éto pas partout navigape, et la garonne qui éto pour mi eune drole ed fleuffe qui prenno s'source in espane pour finir in france et que pour savoir que chéto bin l' source y avo eu quéqu un qui avo mis del couleur al' source in espane et que chéto arsorti coté français avec el meme couleur ......
ché régions qu achteure in a plus l occasion ed visiter , chéto cor au miyeu des années 60 , des destinations inconnues pour beaucoup d' gins
ptete qu au passache in a perdu un tchiot peu d' magie ou d' mystère.....
