Mr Leufrançois

j a mis sin nom, y a eune paire d années qui est mort, mais ché hier soir j' raviso l' paquet d' faire parts qu' mes parints i zavottent gardés précieus'mint et là j' vous jure j'su tombé such' cul .......
pour mi j' la djà raconté, mais y a tel'mint d'sujets achteure que meme y a des coups j' me d'minte si j a pas dja parlé d' cha ou cha , mais tant pire
ch' monsieur là i habito dins l' rue leverrier, et i m' faijo peur quand j éto tchio chéto un ancien mineur, i avo passé s' vie in bas
l' journée quand qui faijo bio, i s installo al' porte des' mazon, visage freumé, buriné, avec eune paire ed bachantes qui dechindottent
et s' roulée collée au coin des' bouque
mais ché pas là qui m impressionno l' plus , ché quand qui parto faire ses courses à pied, oh quand que j' dis à pied, un jone ed quatre ans i liro plus vite equ' li
i avincho tout douch'mint, pi i s arreto d un coup , i tousso , i raclo s'gorche mais quand que j' dis racler, cha allo jusqu au bout d'ses poumons qui devottent lui rester
et la aprés i cracho un mollard mes gins , un mollard ed compétition
mi j éto tchiot, et j arrivo pas à croiser sin r'gard, cha m éto arrivé d' aller l' raviser , camuché dins l hayure ed troenne, à crou crou in bas del barriere, j' le raviso comme si chéto un ogre, eune méchante personne
y a des coups nos regards i s' croisottent , j' voyo sin r'gard dur que j' prenno pour del méchanceté, chéto que del souffrance ....

y a eune phrase dinl' canchon " tout in haut dech' terril" qui l' réseumo bin , chéto "l' mine ale l a usé"

quand que j ai arlu l' faire part j' vous jure que j l a lu quat' coups tout haut
ah ché vrai qu in imagine toudis ché gins plus viu qui sont ou pour nous passé 40 ans in dijo que ché gins i zétotent viu
mais j avo l' souv'nir d eune personne qu ale devo avoir 78 ans , j in éto sur inconsciemment, ale n avo qu' 67 as' mort
alors juste avant d' choisir dins quelle catégorie j allo placher ch' sujet, j avo d abord prévu del mette dans "souv'nirs d infance" pi j a cangé , oh direz cha va pas l arfaire arvenir , mais quand meme , un tchiot coup d' capio, j' l a mis dans l' catégorie "personnalités" , souv'nez vous 67 ans .........