Les jardinseun'cigarette faite mononque? .
par nounours-94 le, 22/01/2008ch'étot eun'expression qui étot imployée quand on allot rinte visite chez mononque Ambroisse qui restot dins l'rue ed Bellevue.
i fumot que des roulées alors quand quelqu'un faisot es tournée ed gauloisses du l'expression : "té veux eun' cigarette faite mononque" li i répondot toudis : "ben ouais cha va canger"
sacré mononque i avot toudis des histoires ed fosse à raconter. i étot machineur à l'fosse trois i s'app'lot Ambroisse Facon, ch'étot un des frère à Paul Facon ej dit cha pour minloute in référence à l'photo d'el retraite ed sin papa qui avot mis sur el site.
j'ai connu d'anciens mineurs ou des gins d'el famille quand i sortotent d'leu mason i z'avotent un cop dins l'aile, pour celles et ceux qui conaissent pas l'expression cha voulot dire qui z'étotent inguinse. ben ouais à chaque cop qui racontot eun' histoire i versot un verre et pi eun' fo es n'histoire racontée ch'étot un autre qui armettot cha. i savotent à quelle heure i z'allotent i rinte visite, mais i savotent jamais à quelle heure i z'allotent s'ar'n'aller et ni dins quelle état. ej su sur que pour certains quand i sortotent d'es mason el rue ed Bellevue al avot rallongé d'un kilomète surtout qui restot tout in haut au 91!!
