Les jardinsel paroisse Ste Thérèse ed Bruay
par nounours-94 le, 17/01/2008Al'étot située sur l'implachemint du centre ed loisirs qui héberche intr'autre Bruaysis FM.
ch'est là qu'on allot au catéchisme tous les jeudis dins l'salle derrière. y avot même un pigeonier dins l' cour, ech curé i louot même eun'salle pour noces et banquets.
mais y a un truc que j'ai jamais compris ch'est pourquoi el diminche i fallot aller al messe à l'églisse St Martin? alors qu'al'étot magnifique et que chétot pu près pour nous et cha nous z'aurot dispensés d'ar'monter el côte du 3.
que corvée! pour mi aussi bien que pour el caté que pour aller al messe i fallot presque em traîner. surtout pour el caté, pinsez bien ch'étot el jeudi matin j'auros préféré aller m'amuser.
y a un seul diminche que j'avos ker à y aller à l'messe ch'étot el jour d'el kermesse du curé ej jour là au lieu d'y aller, j'allos acouter chés musiciens qui répétotent dins l'grante salle derriére.
enfin j'ai quand même fait m'première communion ch'est déjà cha.
y a eune question que j'em sus toudis aussi posée ch'est pourquoi i z'ont démolie eun' si belle paroisse? peut ete que du fait qu'el fosse 3 al a fermé. y avo peut ete pu assez ed fidèles, al'étot pu rentape mais cha j'in sus pas sur du tout, si un ch'tinaute ed Bruay connot l'réponse j'in s'rai grè.
