l' pain d'alouette, poème

Vu l'intérêt suscité par "le pain d'alouette, je n'ai pu résisté à l'envie de vous proposer ce poème que je trouve très beau.
Cordialement.
Autrot


L’ PAIN D’ALOUETTE

L’pain d’alouette faut que j’vous dise
Ch’étot eun’tartine arséquée,
Qu’avot un tiot goût d’pain d’épices,
Min père i l’prélévot d’sin briquet

Et demander de m’voix fluette,
Tout in bavant d’sus min cotron,
Pourquoi on app’lot « pain d’alouette »
Cheul’ tartine qui m’semblot si bon.

L’pain d’alouette, min tiot bohomme,
I est fabriqué pindant l’nuit,
Alors que tous les gosses i dorment,
Révant aux anges du paradis.

Alors toutes les souris de l’fosse,
Dins les bowettes et les cassis,
S’in vont par les creux et les bosses,
Ramasser l’pain qu’in leur a mis.

Ainsi l’crouton noir de m’malette,
Qui t’régale et qui t’seun ‘si bon,
J’lai trouvé intouré d’équettes,
Ch’étot d’part à ti, min garchon.

J’avos cinq ou six ans peut-être,
A l’époque d’loccupation,
Min père m’ramnot du pain d’alouette,
Pour que j’souff moins des privations.

Aussi quand i rintrot de l’mine,
Bin fatigué d’faire du carbon,
Din chul’mallette comme eun’fouine,
J’allos récupérer ch’croûton.

Alors in réchuant s’moustache,
Barbouillée d’soupe, tout alintour,
Im’racontot d’un ton plus grave,
L’plus belle des histoires d’amour.

Tandis que dins l’fin fond de l’mine,
Accroupis pindint le briquet,
L’mineur in grignotant s’tartine,
Fait quère des miettes intre ses pieds.

Puis après avoir nourris tous leurs mioches,
Blottis dins leur tiot nid douillet,
Bien à l’abri des coups d’pioches,
Ch’pain si bon i vont l’fabriquer.

Acht’heure qu’les années ont passé,
Je m’rind compte mieux qu’personne,
Que l’bout d’pain bien souvint r’monté,
A fait de moi, Papa, un homme.

Jean Ceenaeme
(Source « A la lueur de nos lampes » de J.P. Mougaudon 1988 )

Je mets en lien un autre poème qui est sur le site , sur le pain d'alouette

Le pain d'alouette

il aurait vraiment été dommage de ne pas nous le faire connaitre ce poème, Merci Autrot et bonne soirée à tertous, Adé mes gins