comme les oies du capitole

bon zavez du qui est ch' canapé al' mason, bon, aprés ché du qu' minloute i buque su ché touches, et d' là j a vu sul' cuisine et sul' véranda
grand mère al' ravisse es'télé, avec ses feuilletons su la 6 , du genre "rindez me m' file" ou " rindez me min fils" ou alors " me rindez surtout pas m' belle mère" , savez ché feuilletons du qu' té sais dja l' fin au début , du qui a toudis un enfant qui est inl' vé al' mère et qu ale a toutes les peines à artrouver à la fin , mais qu ale y arriffe quend meme et que meme y a des coups qu ale s armarie avec chti qui éto parti avec ché zinfants
l' premier qui dit qu' ché pas vrai tout cha ché qui ravisse pas la 6
donc, voyez grand mère ale est prisse par sin feuilleton et pendant ch' temps là minloute i s' dit , tiens j' va aller m' découper un tchiot bout d indoule d' par ichi, nan pas mi , nan eune vraie indoule que d'dins i a un tchiot peu d' piment d espelette, cha armonte ech gout in plus

mais minloute d'puis qui a été ché ch' méd'cin, grand mère al' survele, oh j' su nin passé d' tro kilos d'charcut'rie par jour à rin , nan mais ale survele ...
alors mi comme un indien, j' fais pas d' bruit, j' va dins l' cuisine, j a préparé min coutiau que j a pris sans faire ed bruit sinan grand mère al' s artourne et elle invo eune volée d' kalacheniquoffe que ti té peux qu' arbrousser et' route
cha fait deux fos que j' me fais farcé, j ouffe l' porte du frigo oh, commint vous dire, comme dins ché flimes américains , mais sans l' leumiere frontale sum' tiete, et ché gants in moins
mais à peine l' porte ale est introuverte, in ' a un qui est aux aguets et qui m' survele et li ché pire , i gueule tout d'suite
ché odilon, le namstère
et pourtant s' cache ale est dins l' véranda au coin, pas dins l' pieche, et pourtant, a chaque co, t intint "uin uin uin uin" cha veut dire eh mi j a faim, t ouffe ech' frigo pinse à mi
et là té peux et' sur que grand mère al' dégaine au quart ed tour
ch' l amstère i est pire qu' ché oies du capitole