Symboles, Légindes ed Noé 5

L'REVEILLON

Au Moyin ache, in d’vot communier à l’Messe ed Noël qui s’fasot à minuit. I falot êt’ à jeun au moinse ed’pus midi. Dins ceurtaines régions ,i n d’vot n’pon minger el velle ! Busiez don qu’après l’messe, les gins avote gramint faim et so d’autant qu’pou bocop d’eusses, i falot gramint marcher pou arjointe l’églisse
Les pauffes mingeotte comme i pouvotte ,l’pu sovint d’eine tiote galette et d’ein vierre ed lait obin d’vin caud. Les seigneus et les riches borgeos, eusses ,in proufitote à inviter leus amis z’amis pou faire guinse (régaler avec bon repas). Alphonse Daudet Daudet i l’a bin écrit dins l’conte des 3 Messes dins s’live « Les lettes ed min Molin » . Pis après l’révolution, et seurtôt après el guerre ed 1870 qui a vu bin des manques ed minger seurtôt à Paris, les bourgeos parisiens i z’ont imité l’noblesse et après cha s’ra l’tour du peupe. Achteur in prind sovint l’habitute, à minuit, ed décafoter les paquets d’cadiaus.
Dins chaque région in fasot l’Réveillon à s’mode. Ainsin dins les cinses dé l’région d’Angers, un mazeau (boucher) estoquot (tuait) un pourcheau. I fasot ed lonques saucisses et du boudin.Pis i copot l’pourcheau in tiot morciaus qu’in mettot din l’iau bouillante. L’cinsier fasot l’nom du Père (signe de la croix) et ruot d’liau bénite dins caudron et tros m’sure ed sé.(sel)
Cha s’rot treup lon d’paler des z’autes régions ; in f’ra l’année prochaine. Mais in pal’ra d’l’habitute dins l’Midi et in Provence , dpu l’fin du XIX sièque, ed servir, après el greux repas du Réveillon, les Treize desserts
Porquo Treize désserts ?
Pasqu’i avot 12 apotes pusse Jésus.
V’là chi un eczimpe d’treize desserts servis dins l’région d’Toulon :
• pompa à l’oli » : brioque chucrée à l’huile d’olifes.
• 4 Mindiants : gauques ,nosettes, figues, amandes, rosins secs
• Peunnes
• Poires
• Verdau : mélon viert wardé dins l’grain
• 2 Nougats : blanc et noir
• Sorbes
• Raisins frais

Achteur in met aussi :
• mandarines obin oranches
• dattes
• pates ed fruits
• tiots beignets ocore crèpes

In dot minger eine milette ed chaque desset pou warder el santé et faire fortune.