Les jardinsj' l'ai rincontré
par Boxerman le, 25/12/2007Chte nuit j'étos in patroulle (pour chercher les sans abris). Avec min camarade in étot dins l'voiture et in parcourot chés pétits villach's des alintours ed Bruay. Y'étot dins les minuit et d'mi quand dins in tiote ruelle in a vu un viu bonhomme habillé in rouch. In véyot pas ses yux parce qu'yavot inne grand' barbe et des lunettes. Avec min camarade in s'est dit "ché li, ché l'père Noël" Y'avot sin traino tiré par deux bidets. Y'étot quarqué comme un baudet. Ch'étot deux bidets qu'yavot récupéré à l'fermeture d'inne fosse. Y'avo des rol's à l'plache ed des patins sur sin traineau qui ressemblot à inne berline. Bin sur, y'avo pas d'neige.
Jé n'sait pas pourquoi mais i m'a r'connu. I ma dit alors Boxerman té oeuvre pour el nation. Oui Père Noël, comme tint d'autes qui sont d'service chette nuit. Pi in a discuté un tiot peu. Y'étot pressé. I ma dit qui devo passé ché Minloute, ché Marie Claire, ché Poquet Daniel, et tous les autes dech site.
I ma minme dit qu'in n'avot qu'avotent pas été fort sache mais rassurez vous i m'a pas dit d'nom.
Du coup in a laiché ch'Père Noël continer sin quémin. Ch'est là qu'jai vu qu'yavot dins s'main in'lampe ed mineur pour s'éclairer.
Et pi ch'Père Noël nous a dit ar'voir et i est parti. Ch'est là qu'min camarade i ma s'coué im dijant quoq t'a Patrick, t'a tes yeux imbués, in dirot qu'ta brais. J'y ai dit non Mathieu, ch'est l'fro del nuit. J'vénos d'avoir un flash. J'vous prie d'croire qu'ch'est bon d'croire incore à ch'père Noël à 50 balais.
