Les jardinseune assiette pou ch'Père Noël .
par annie62110 le, 20/12/2007quand ch' réveillon i finichot et que pour chés zinfants i étot l'heure d'aller au lit , in rapprochot eune chaise de ch'sapin et in posot eune assiette avec deux chucs un verre ed'goutte et eune belle carotte pou ch'pére noél et sin tiot baudet
et l'lend'main l'première chose que j'ravisos in m'levant ch'étot si i restot quéqu'cosse souvint i restot qu'un tiot bout d'carotte croquée, ch'pére Noël i étot passé
cha ch'est eune coutume que mi aussi j'ai gardée pour mes tiots ch'étot tell'mint plaisant d'les vire zieuter l'assiette vide au matin
j'cros qu' ch'est un tiot peu cha l'magie d'Noël chés coutumes qu'in garde ed génération in génération
bon Noël à tertous !!!
