les cierges magiques

Annie té dit que chéto dans l' temps qui i avo des cierches magiques, mi j a plutot l' souv'nir que ché arrivé dans les années 1970
ah ché vrai quand qu on les alleumo , oh pardon quand min père i les alleumo , chéto cor eune affaire
chéto m' question quand qu on va les bruler ché cierches magiques ?
chéto l' soir du noel, le 25 décempe , chéto commint qu on diro , ch' bouquet final d eune journée qui avo bin comminché , pasque chéto ché cadeaux, l' brioche et l' confiture, l' seul momint d' l année qu on in mingeo , in l apprécio vraimint, in avo l impression d' minger "du riche" ,alors aprés j' juo avec mes cadeaux, mais j comprenno pas, mi j' voulo m étaler sur l' tape pour juer par exempe avec min circuit 24 savez ché tchiotes carettes qui faijo avincher avec eune manette arliée au circuit, bin nan, in avo b'soin del tape pour l' repas d ' midi, bon j arrivo bin a trouver un coin, mais aprés fallo ringer, pi aller s' laver, eh minloute va t' laver, va zy que j' dijo à eune ed mes soeurs, j ira aprés, mais té pouvo pas toudis arpousser, fallo y aller pi aprés j' sais nin pourquoi j éto toudis dans les gampes ed quéqu un, si j' voulo donner un coup d' main, in m' faijo eune tonne d arcommindations, fait pas querre, tiens cha dro, attention aux meupes, abime pas l' nappe que ch' repas i est pas comminché, bref des chosses que nos parints i nous dijotent et qui faut avouer in a dit aussi à nos infants
pi aprés fallo attinte ,l' balet des personnalités, chéto m' grand mère et l' cousine d' min père que min pere allo querre in carette, pi après deuxieme voyache , i allo archercher min grand oncle et m' grand tante, là chéto in bon momint chéto les dringuelles assurées, eune paire ed billets que j avo djà prévu commint qu on allo les dépenser, mais des billets que comme davite coperfilde, j' voyo pas longtimps, m' mère ale dijo donne me cha , té va les perte ....
aprés chéto l' repas, l entrée cha m' plaiso , aprés moins, mi l' dinde j a jamais courru aprés, pi d' zaricots verts et des ptits pos, mi j' préféro et j' préfére cor des pétotes, ah in s arfait pas mes gins ......
aprés t allo juer avec tes cadeaux dins tin coin, pi chéto l heure des tartes au libouli , ch' repas i s animo , cha rio d' partout , ti té d'mindo pourquo, in t' répondo ché pas d' zistoires pour ti, bon t artourno juer tout seu dins tin coin, pi aprés chéto l heure du départ pour ché personnes agées, et là avant d aller s' couquer , min père, aprés d' sacrées précautions, as' d'minder si y avo pas appelé les pompiers au cas zou... meme si in avo pas l' téléphone, i alleumo les fameuses bougies tout in vérifiant que cha preno pas fu au sapin, et ch' spectaque magique i duro pas longtimps et y a un truc qui fallo pas oublier , cha faijo eune sacrée finquée et eune sacrée odeur , qu in ouvro l' farniete aprés

bin minloute quand j'restos derriére l'hopital Ste Barbe à Fouquiéres de 1952 à 1957 in brulot déja des cierges magiques, ch'est vrai qu'mes souv'nirs i sont plus vieux !