Les jardinsla veille ed Noël
par minloute le, 18/12/2007la veille ed noel, in mingeo pas trop tard, in attindo pas minuit pour donner ché cadeaux, ah nan , i fallo attinte l' matin
mais minloute y a toudis eu faim, j a du maux à minger tard , alors l' soir ed noel, in faijo un bon r'pas, oh pas tant qu' lend'main, mais in mingeo du paté d' lapin ....(oh j' vo dja m' soeur qui sourit quand que j' dis cha...) et i fallo attinte, ouais i fallo attinte pasque min père i allo al' messe ed minuit, oh zinquietez pas chéto nin à minuit qui i allo mais a celle ed 20 h mais mi min vinte i gargoullo, alors j' ralo , j attindo , j' tourno in rond, j allo raviser al' farniete si i arrivo, et quand qui arrivo , nous in ralo du genre allez in va passer à tape ...et li i diso avec sin grand sourire , avec un tchiot peu d' malice "j a prié pour vous", alors aprés té pouvo rin dire
