Les jardinsles environs de Souchez
par minloute le, 04/07/2005Mi j'a ker aller à Souchez, pasque même si l' guerre ale est finie d'puis un momint, que cha fait 90 ans qui s'sont battus ichi, in sint qui a quequosse, suffit que té lu in tchiot peu su ché combats d' 1915 par ichi et té peux pas ravisser l' paysache sans penser à ch' que cha a pu ete, in imagine l' bruit des canons, des fusils, l' feumée, les cris, l' boue, la douleur, la mort, l' odeur de la mort, tout cha qui so n'importe quel coté del tranchée.
Mi j avo ker minger à eune ferme auberche in haut del cote ed Souchez à coté du cimétière britannique, cha s'appelle l' cabaret rouche.
Pendant l' première guerre mondiale cha a été un momint l' qg des britanniques, bin quand que t'artrouffes des photos d' l'époque, tout ch' site bombardé, cha t' fait des frissons.
Du cabaret rouche, Vimy cha sempe à portée ed ' main ou plutôt à portée d'un coup d' rein, in comprint pas qui a pu avoir tant d' morts et que cha a été tel'mint dur d'aller arprinte l' position que ché allemands i tenottent d' l'aute côté vers ech nord in vo bin l' colline ed Lorette, en fait in sint que tous y s'a jué dans un mouchoir ed poque, cha a du ete terripe.
