Les jardinsché pannes n°2
par minloute le, 03/07/2005Là vraimint j'su vesqué, j'in ai mis des sujets et pas sur ché pannes ...
Bon j' va m' rattraper, i avo cor au début du 20ème sièque eune plétore ed tuiliers, chéto des productions locales, qui copiottent à peu prés toutes ché memes modèles.
d'abord i avo ché pétits moules, les ptits moules ché les tuiles qui en a environ 20 au m2.
Alors dans ch' Pas d' Calais et dans l' Nord, la plus connue chéto le modéle "monopole", eune tuile avec un léger bourrelet sur l' droite, d'ailleurs as' fait core, i a 2, 3 coloris qui marchent, ché l' rouche, et l' flammée, l' flammée ché rouche et un chtio peu d' noir.
Par conte i a des indroits dinch' Nord qu'on met en décoration des tuiles comme cha mais d' couleur verte, noire, jaune, cha coute eune fortune cha.
L'aute tuile connue en tuile petit moule ché l' tuile d'Orchies, ale a un gros bourrelet sule coté, ché toudi eune petit moule, 20 au m2.
Pi aprés i a ché grand moule, l' plus copiée ché celle qui a un grand losanche au milieu, chéto l' tuile qu'in artrouvo su les toits d'ché barraques des corons.
Achteure en france i a pu grinmint d' tuiliers, i a 3 gros qui s'accaparent l' quasi totalité du marché, et comme cha i réduissent l' nompe ed sortes ed tuiles à produire, les autes tuiliers ché plutot del production locale ou pour les monuments historiques.
Maintenant ché pannes, les pannes flamantes, souvent en grand moule, ché à dire 13 au m2, ale zont un bourrelet sule coté qui fait comme eune vague.
