Les jardinscoup de terrain
par potié vital le, 22/11/2007j'avos dins les 15 ans j'étos graisseux mais après j'allos ravancher ch'bos ou c'qui avot, in étot eune péquée à monter ch'matériel à front. et quand j'avos fini j'allos avec les copains monter ch'bos, c'qui avot à faire
donc j'avos pris mes 2 bidons d' 2 lites chétot des bidons d'huile d'moteur que j'demandos à ch'ti qui avot eune auto, cha existot pas al fosse
j'ringeos mes bidons d'huile dins ch'coffe, chétot eune réserve d'matériel et pis sin coin à ch'porion i avot eune espèce ed pupitre pour li faire ses écritures chétot fermé à clef , j'savos dù qu'al étot l'clef parceque dés coups i fallot faire l'appoint à chés blindés , moteur d'couloir, perforateur. chétot pas les mêmes huiles fallot pas mélanger.
m'v'là parti dins l' talle graisser chés piqueurs, cha faijot un momint que j'étos pas v'nu
cha veut dire que quand in déboise les étançons ch'toit i s'écroule pas et i avot eune paires d'mètes chés pas bon.
et pis j'étos in route à graisser un piqueur v'là qu'cha vient plein
j'ai eu eune frousse pas croyape !! tous chés étançons i ont déchindus in même temps dins l'talle!!
l'bruit, l'finquerre , l'talle al a bougée
si in veut faire eune comparaison quand in s'artourne in voiture cha fait l'même in s'sait pas combien d'tours in a fait
in est tout drole là cha a été parel pour mi
y a fallu qu'cha arrife quand j'y étos
MINEUR DE FOND , ch'est un mot qu'in devrot toudis prononcer avec respect
la France des tréfonds
