beuuurk

taleure, ouais pasque ché minloute si in peut minger tot in minche tot, donc juste quand que l' son'rie d' la staraque ale a terminée, in éto a tappe, mi j' piaffo d impatience, cha sinto si bon, que j a suivi l' cuisson, là ché pas la peine ed d'minder à grand mère d aller raviser, alexia, antoine, maurine, bertrand, quentin, lucie, jeremy , mathieu, noemie, stevane, claudia, zavez vu comme esj' su bin rinseigné , faut dire que cha fait eune s'maine que j' su al' mason alors pindant eune heure in intint parler des zacadémiciens ........ alors là l' mason ale peut bruler, ch' riz i peut coller, les pates cuire sans iau , pas d probleme la staraque y a qu cha qui compte ..
donc mi j a surveillé ch' plat et quand qui a arrivé sul tappe cha a fait beurrrk, ouais chéto des tripes
faut dire qu avant in mingeo plus d abats, meme si nous in avo pas ker, du fo, du rognon, del cervelle, du gras doupe, des tripes, des pieds d' cochon
quand que j' fais les courses avec l' tchiotte et qu in vo des pieds d' cochon, ale fait beuuuuuuuuurk , faut dire qui faut aimer s' batte, pi met' les dos pour minger cha, min père i avo ker cha, in vinaigrette, et cha faijo slurp, et i prenno ch' coutiau pour couper ché tendons, mi j avo ker in minger d' temps in temps mais comme j allo pas au fond comme min père , i avo ker dire, oh la la quo qui laisse, mon dieu que malheur, alors qui resto qu in tchiot peu, et i diso odette, ché m' mère, odette té m armets sin pied d' cochon au frigo, j ' l arminche ed d'main

m' mère ale diso ah nan , i a pu grand cosse à minger, et min père i dijo ah in vo qui a pas connu la guerre ..... mais chéto aussi du cinéma qui avo ker faire

ah li pi sin espectaque quand qu in mingeo ..... quand qui y avo des viu plats, ou l' pire des vius fromaches qui courottent après l' boite, i dijo ah ché zautes fromaches i sont intamés et ché viu ché toudis pour mi, mais j' eul' comprint ché mi ch' pélican ichi, ouais comme ech pélican, j' me sacrifie pour mes zinfants, et m' mère té va pas quand meme minger cha, quand qui voulo minger un bout d' fromache tout dur, bin i s amuso a couper ché morciaux tout jaunes pour récupérer quequ' fo qu un bout plus ptit que pétit do , mais chéto sin cinéma ........

mais bon in l' savo comme cha, mais y yavo aussi des reflexes ed personnes qui avotent connu la guerre, al' mason t oso commincher a faire eune boulette avec du pain, mon dieu que malheur t avo interet a arreter sinan té tin prenno eune dint' gaouane chéto sur, d ailleurs mi ché parel , ché un truc qui m' f'ro vomir d' vire cha , cha m' dégoute aussi pi i ajouto comme mi j ajoute aussi a mes zinfants " in n a qui minchent pas"
donc taleure j arviens au début du sujet j a mingé des tripes avec des pétotes à l io , m' file ale a fait beurk, mais d'mindez zi d' pas minger du coeur ed canard, ale in raffolle mais pour elle ché pas dégoutant ......