in l a échappé belle

grand mère et l' tchiote ale zont été hier soir au loto dins un tchiot villache pas loin d ichi, minloute nan, li in' a marre du bruit d' la foule , i vit cha tous les jours au traval, ché comme ech téléphone, i peut buquer si grand mère ale est dins l' pieche mais que j' su l' pu près ché nin pour cha que j va décrocher, pasque quand que j' décroche i parait mais mi j in su sur , j do avoir eune vo qu ale dit qui ché qui m' fait tchier achteure?
Bon j arviens à min sujet, dins ché tchiots villaches du béarn ch' loto cha attire du monte, ché l'sortie du sam'di soir, comme ché canards cha cancane , cha s imbrasse , cha discute so in francais so in béarnais quand que ché secret et qui veultent pas que ché "zétrangers" i comprennent

bon j arviens am' n histoire, zarretez pas d' eum' faire divaguer, ché vot' faute, bon dins ché tchiots villaches i a quand meme ed sacrés lots a gagner, d ailleurs y a des espécialistes qui arriffent in avanche et qui mettent un temps fou pour choisir ché griles qui veultent
donc y a des lots quand meme interessants comme des chaines hifi , des tchiots apparels ménagers, etc
bon l' gamine elle ale a gagné au loto des jones eune paire ed rollers donc ch' matin que dehors t avo peur ed rincontrer un ours mais pas un ours des pyrenées mais un ours polaire blanc vu qui faijo un fro d' canard ale voulo in faire y éto 9h au matin bon cha va ale a compris que cht apres midi ale auro dro
mais l pire i a failli arriver , entre ché gros lots, i font un ju au loto, tout l' monte debout, pi i dissent des numéros cha s fait par élimination dés qu' t as pu un numéro annoncé sul' grille bin té do t assir
bin grand mère ale a du s assir l avant derniere, à un chiffre près ale allo gagner, et si zavez pas cor d'viné ch' cadeau pourtant j in parle d'puis taleure chéto un canard vivant..... bin grand mère ale s a pas démonté quand qu a ma raconté cha ale eto prete al' ram'ner ichi, pour qui viffe dinch' gardin
bin alors avec ché tchiens, ché cats pi un canard dinch' gardin in auro passé ichi pour l' famile tuyau d' poele du coin cha ché sur ..........