Les jardinsallumer sin feu
par annie62110 le, 05/11/2007mi m'mére al avot l'habitude ed préparer s'cuisiniére au soir pour l'allumer el lend'main au matin, comme ch'convecteur i roulot tout l'nuit, al laichot éteindre dins l'cuisine et ch'étot tout un rituel
d'abord al tigeonnot pour faire caire chés chintes dins ch'bac aprés al mettot eune feule ed journal su ch'feu et avec ses pinchettes al récupérot chés groches , al chiffonot du papier dins ch'pot d'feu et al faisot dépasser un bout par ch'tro qui servot à tigeonner, al mettot sin bos cassé qui avot bin séché dins l'four du bas, al armettot ses groches dins leur feulle ed journal, aprés al vidot sin bac à chintes, et quand al l'avot armis al astiquot l'dessus de l'cuisiniére avec du zébracier, et quequ'fos al prenot un chiffon qu'al mouillot avec un reste ed café et al frottot avec et l'plus biau ch'est qu'cha luisot bin
et quand tout cha i étot fait al savot qu'in s'levant al aurot qu'à craquer eune allumette, papa li i rimplissot l'charbonniére
quand j'pinse qu'ach't'heure in n'a plus qu'à tourner l'bouton de ch'thermostat !
