COURRIERES la catastrophe

ch ' j' viens d' tomber such' film sur la catastrophe de courrieres, bin j a trouvé cha bin, ni trop miséreux ni trop gnangnan, les acteurs avaient un bon accent , tout cas pour mi j a apprécié et cha fait du bin d' vire qu in parle ENFIN un tchiot peu d' not' région

Bonsoir mes gins, hé j'viens d' raviser ch'film sur FR3 et insuite d'ssus histoires de Ch'tis, i a un' chose que j'ai armarqué ché nombre d'visiteux un bas 53 visiteux après l' diffusion dech'film, j' cros bin qu'ech Nord-Pas-de-Calais i a vraimint été touché par cette catastrophe ed Courrières, pour parler un peu d'ech film, bin sur in' peut pas relater tous les événemints qui i ont eu lieu, mais j'ai passé un' soirée, touchante et émouvante.

J'avos ravisé ch'téléfim Téléfilm "Moi Louis ,enfant de la Mine" in avant preume à l'fosse d'Arinberg; j'viens d'l'arvir avec autant d'plaisi su Fr 3 . El film i'est bin fait.I moute d'un côté el durté du métier des carbonniers et d'leu misère; ed l'aut', el sins coeur des patrons dé l'Mine pou qui compte foque les doupes et non point el santé d'leus ouverriers.
In dira qu'cha a bin cangé. Point si seur ! Ravisez l'ouvrache aveuc l'amiante : les patrons i z'ont treup tardé à réagir et i'a eu des milliers d'morts. Et ch'n'est cor point fini ! Et pis in Asie ,i'a cor des tiots jonnes ed 6 ,7 ans qu'in fait ouvrer dins l'pourette (poussière) ,l'funquère (fumée)ocore dins l'iau ! Ouais dins chés pays là,i'a cor bin des progrès à faire ! Tiot Rital

mi aussi j'ai ravisé ch'film, cha m'a un tiot peu r'tournée ed vire ché gins devant l'grille qui attindotent des nouvelles, cha m'a fait r'partir in arriére quand ché mi qui attindot aprés min pére aprés l'coup d'grisou à l'fosse 6 ed Fouquiéres, l'grille al étot fermée et tous ché gins agglutinés i z'attindotent des nouvelles d'un pére d'un infant ou d'un frére
quand in app'lot un nom ché gins i dev'notent blancs comme des linches, i avot pas d'bruit tout l'monte i parlot tout bas, in étot déja in deuil d'temps in temps i n'avot in qui soumaquot,
dins ch'film j'ai r'trouvé l'même imbiance, chelle du fatalisme chelle des catastrophes, bin mi j'ai mal dormi, cha m'avot trop r'muée !!