Les jardinsles cabinets dans la cour
par MOMONT le, 28/08/2007eul' porte elle étot bielle avec eus' coeur découpé in haut pour que l'air elle passe. Cha fésot frod à ses fesses l'hiver. In avot ses aises in s'asseyot sur eun' planque.
Quind in soul'vot s'couverque in bos, in veillot nager toutes ches commissions d'eul' famille !
In surveillot l'niveau pour eul visite d'euch vidingeur. A chaque fos qui venot i raccordot eus tuyau et cha gouttot toujours dins l' mason et m'mère elle le suivot al trace avec eus' wassingue. In impesto toul l'quartier.
Eun fos, eum tante qui faisot 100 kgs est restée coincée in s'tournant pour s'essuyer, in a du démonter un mur in briques pour eul sortir, euj vous dis pas eul ramdam !
Et faudrot pas oublier chés grosses araignées qui v'notent nous raviser et qui nous faisotent peur quind in étot tiots ....
j'em' rappelle commint ch'passos d'abord tout douchmint m'tiete par l'intrée del porte et j'ravisos toudis à l'indrot d'où qu'ach' métotent quind j'in voyos eune grosse noire aveuc un gros vint' et des tiotes pattes, j'courros vite appeler em'mére qui v'not l'inl'ver aveuc sin balai et des fos , j'avos tellmint peur qu'cha m'coupot m'n'invie !
Mi, quind j'pinse à chés cabinets dins ch'gardin ou dins l'cour , j'sins toudis l'odeur et j'vos cor chés bétales d'araignées
